اسلام تیرے رخ پہ ضیا فاطمہ سے ہے

بسم اللہ الحکیم

 

جناب سید احتشام زیدی حشم صاحب کے دولت کدہ میں منعقد ہونے والی طرحی محفل.منقبت کے لئے موزوں کئے گئے چند اشعار

مصرع طرح: *اسلام تیرے رخ پہ ضیا فاطمہ سے ہے*

 

دنیا پہ فیض حق کا رواں مصطفیٰ سے ہے

اور مصطفیٰ لہ رحمت حق فاطمہ سے ہے

 

**انسان کا وجود تجلی ہے آپ کی

یوں ربط انتہا کو ہوا ابتدا سے ہے

 

گرجاتا آسمان کبھی کا زمین پر

لیکن قرار اس کو تمہاری رضا سے ہے

 

اظہار قہر آپ کا زلزال سے عیاں

ظاہر عطا کا.سلسلہ سب ہل اتیٰ سے ہے

 

خطبہ سے جن کے پایا بلاغت نے اعتبار

معراج شاعری کو انہی کی ثنا سے ہے

 

مطلوب حق کو ہے وہ ولایت کے باب میں

جو رابطہ بتول کا مشکل کشا سے ہے

 

ظلمات کیا سقیفہ کی اس کو مٹا سکیں

اسلام تیرے رخ.پہ ضیا فاطمہ سے.ہے

 

پیوند اس کے پائیں نہ کیوں داد قدسیاں

 جب رزق کائنات کا تیری ردا سے ہے

 

شیر بتول کا ہے اثر خون شاہ میں

ظاہر ہوا جہاں پہ جو خاک شفا سے ہے

 

عباس تم ظہور دعائے بتول ہو

زینب کو آس یوں بھی تمہاری وفا سے ہے

 

وہ اصل ہیں میں فرع وہ.مادر ہیں.میں.پسر

نسبت مجھے یہ.مرکز اہل کسا سے ہے

 

صائب کو اعتماد ہے اسم بتول پر

سو پنجہ کش وہ شوق سے ہر اک.بلا سے ہے

 

**اصل شعر یوں تھا

امکان کو وجوب تمہارے سبب ملا

یوں ربط انتہا کو ملا ابتدا سے ہے

 

سامعین پر گراں نہ گذرے اس لئے درج بالا صورت میں لکھا....

 

 

صائب جعفری 

قم مقدس

Jan 19,2023 

8:40 PM

خواہش فکر ہے بس جذبہ دل کی تالیف

خواہشِ فکر ہے بس جذبہِ دل کی تالیف

گو کہ گفتار ہے اسلاف سے حد درجہ ضعیف

طبق زمین کے ہیں نور میں نہائے ہوئے(مقبت)

 

طبق زمین کے ہیں نور میں نہائے ہوئے

فرشتے بیٹھے ہیں محفل یہاں جمائے ہوئے

تمہاری یاد کو ہم دل میں ہیں بسائے ہوئے

تو لوح و عرش سبھی دل میں ہیں سمائے ہوئے

فرشتے زیر قدم پر ہیں یوں بچھائے ہوئے

"ہم آج محفلِ سجاد میں ہیں آئے ہوئے"

خام ہیں قلب و نظر خام ہیں افکارابھی(منقبت)

خام ہیں قلب و نظر خام ہیں افکار ابھی

جذبہِ عشق کو اک آنچ ہے درکار ابھی

میں سرِ دار اناالحق کی صدا دیتا ہوں

عشق کا سودا مرے سر پہ ہے اسوار ابھی

پڑھتا ہے قصیدہ یوں قرآن خدیجہ کا(منقبت)

پڑھتا ہے قصیدہ یوں قرآن خدیجہ کا

اللہ قَدَر داں ہے ہر آن خدیجہ کا

آیاتِ الٰہی کی تنزیل کو خالق نے

چن رکھا تھا اوّل سے دالان خدیجہ کا

گذرے پت جھڑ کے زمانے آگیا سرور کا پھول

منقبت

گذرے پت جھڑ کے زمانے آ گیا سرور کا پھول

قدسیوں کے ہیں ترانے آگیا سرور کا پھول

وجد میں آئی صبا ڈھلنے لگے نغمے نئے

دل لگا خود گنگنانے آ گیا سرور کا پھول

لکھ رہا ہوں میں جو ثنائے بتول(منقبت)

منقبت

لکھ رہا ہوں میں جو ثنائے بتول

مجھ کو غلام اپنا بنائے بتول

بن گیا ہوں میں جو گدائے بتول

ہے یہ بہت خاص عطائے بتول

وائے حسرت کہ نہیں ذوقِ عقیدت کامل

 منقبت

وائے حسرت کہ نہیں ذوقِ عقیدت کامل

ورنہ وہ آج بھی ہیں لطف و کرم پر مائل

ہر نَفَسْ الجھا ہوا نَفْسْ کے جنجال میں ہے

حد مگر یہ ہے نظر آتا نہیں کوئی خجل

کچھ ہم پہ نہیں موقوف ثناء ہر ذرہ ہے گویا مدحت میں(منقبت)

کچھ ہم پہ نہیں موقوف ثنا ہر ذرہ ہے گویا مدحت میں

خوشبوئے ولائے آلِ نبی شامل ہے گلوں کی  نکہت میں

پرکیف فضائے دہر ہوئی ہے وجد میں کوثر جنت میں

جوبن پہ ہے فطرت کی دلہن خلقت ہے ڈوبی رحمت میں

جو نقش پہ حیدر کے چلتا نظر آتا ہے(منقبت)

منقبت

جو نقش پہ حیدر کے چلتا نظر آتا ہے

انساں وہ فرشتوں سے بالا نظر آتا  ہے

کعبہ سے جو لپٹا ہے حیدر کی عداوت میں

ساحل پہ کھڑا ہوکر پیاسا نظر آتا ہے

اوّل ہے جو خلقت میں افضل ہے جو خلقت سے

کچھ عقل کے اندھوں کو چوتھا نظر آتا ہے

رقم جو زیست کے صفحہ پہ نام حیدر ہے(منقبت)

رقم جو زیست کے صفحہ پہ نام حیدر ہے

تو خلد بھی ہے مری میرا حوضِ کوثر ہے

جو خود میں ڈوبنے والوں کو بخشتا ہے حیات

ولائے حیدرِ کرار وہ سمندر ہے

جو گوشِ فکر سے ٹکرائی گفتگوئے امیر (منقبت)

 

جو گوشِ فکر سے ٹکرائی گفتگوئے امیر

خیال جانے لگا خودبخود بسوئے امیر

خدا کا شکر ہے باقی ہوں اپنی فطرت پر

کہ پاک طینتِ آدم ہے جستجوئے امیر

جادہ عرفاں پہ چلنے کا سلیقہ سیکھ.لیں(منقبت)

جادہِ عرفاں پہ چلنے کا سلیقہ سیکھ لیں

منزلوں کے پار اترنے کا قرینہ سیکھ لیں

فاطمہ کے نام کی تسبیح پڑھ کر آپ بھی

کشفِ محجوباتِ عالم کا وظیفہ سیکھ لیں

خدا کی معرفت جب حیدرِ صفدر سے ملتی ہے (منقبت)

خدا کی معرفت جب حیدرِ صفدر سے ملتی ہے

تو  پھر توفیقِ عشقِ مرتضیٰ داور سے ملتی ہے

جب نہیں حضرتِ انساں پہ عیاں شانِ بتول (منقبت)

جب نہیں حضرت انساں پہ عیاں شانِ بتول

پھر بھلا کون قصیدہ کہے شایانِ بتول

ناطقے بند، زباں گنگ، تخیُّل خاموش

پا کے اللہ و محمد کو ثناء خوانِ بتول