اسی کو زیبا ہے یہ دعوئے ولائے رسول(نعت)

 نعت

اسی کو زیبا ہے یہ دعوئے ولائے رسول

جو ہو بلال کی صورت سے آشنائے رسول

علی سا بھائی ہو جس کا بتول سی دختر

نہیں ہے کون و مکاں میں کوئی سوائے رسول

نبی کی آل سے الفت نہیں تو کیا حاصل

سجائے لاکھ محافل کوئی برائے رسول

ہزار سجدے جبینِ نیاز مند کرے

جو پاوں اپنے مقدر سے نقشِ پائے رسول

یقیناً اس میں ہے شامل رضائے رب ورنہ

کہاں مجھ ایسا بشر اور کہاں ثنائے رسول

دعائے قلبِ حزیں ہے یہ روز و شب محسن

سناوں ہادئِ دوراں کو میں ثنائے رسول

۱۱ جنوری ۲۰۰۲