وقار زیست علی محور حیات علی(منقبت)

وقارِ زیست علی محورِ حیات علی

دیار عشق میں حق کی تجلّیات علی

شہود و شاہد و مشہودِ کائنات علی

ہے کنزِ مخفی خدا کنزِ بیِّنات علی

ہے رازِ حقُّ و حروفِ مقطِّعات علی

قسم خدا کی ہے آیات محکمات علی

خدا تو کوئی نہیں دوسرا خدا کے سوا

مگر یہ حق ہے کہ ہے محرمِ صفات علی

ریاضِ رحمتِ پروردگار ذاتِ نبی

مآلِ معرفت حق، نشانِ ذات علی

یہی ہے رشتہ محمد کا مرتضیٰ کے ساتھ

رسول دینِ خدا اور دینیات علی

نبی کا عشق ہے ضامن نجات کا محسن

صراطِ عشق علی ہے رہِ نجات علی

 صائب جعفری