کلیاتِ صائب جعفری (نظم و نثر)

۳۶۔ منقبت

ہیں عرب کا وقار شاہ چراغ

اور عجم کی بہار شاہ چراغ

نامِ نامی ہے آپ کا احمد

اور ہے مستعار شاہ چراغ

 مثلِ معصومہ و رضا تم ہو

صاحبِ اختیار شاہ چراغ

کی شہادت قبول پر نہ گئے

شاہوں کے زیرِ بار شاہ چراغ

آپ کے نقشِ پا ملیں تو کروں

جان و دل سب نثار شاہ چراغ

دیکھ لوں گر میں آپ کی تربت

روح پائے قرار شاہ چراغ

آپ کے فیض سے ہی بیٹھا ہے

سب غموں کا غبار شاہ چراغ

از زمیں تا فلک نظر آیا

سب تمہارا دیار شاہ چراغ

صائبِ بے عمل کا سرمایہ

آپ پر اعتبار شاہ چراغ

۲۱ جولائی ۲۰۱۸ ء

 سید احمد المعروف شاہ چراغ کا مزار ایران کے ثقافتی دارلحکومت شیراز میں واقع ہے آپ امام علی رضا علیہ السلام اور جناب معصومہ قم علیہا السلام کے بھائی ہیں حقیر کو آنجناب کے حرم میں حاضری کا موقع ملا اور وہیں حرم میں ایک بین الاقوامی شعری نشست میں یہ اشعار پڑھنے کی سعادت نصیب ہوئی